صرامي

 مين حضرتك؟-

 أنا لبنان-

 لبنان !! وشو عم تعمل هون؟-

 عندي محل صرامي أجلّك-

 ماإنت على أساس إنك "وطن" ما بيصير تعمل بحالك هيك-

 وطن !!! ؟؟؟... يا حبيبي ده كان زمان. بطلناها هالمصلحة-

 طيب وشو عندك صرامي ؟-

 عندي صرامي بتناسبك كتير، صرامي سورية وصرامي سعودية وأميركية وفرنساوية وإيرانية وحتى في عنا صرامي إسرائيلية نوع فاخر

   

طيب بيعنا شي صرماية -

عفوا حضرتك مين؟-

 أنا مواطن-

 للأسف يا حضرة المواطن هول الصرامي مش للبيع-

لكن لشو؟-

هول لتنضرب فيهن حضرتك ليل ونهار-

طيب ما في عندك شي صرماية لبنانية؟-

موجود بس هول صدرناهن لبلاد الإغتراب لأن إلهن سوق هونيك، بتعرف منشان شي إسمو الحنين، هون ما حدن عم بيطلع فيهن وبيحن

 طيب أنا بدي إلبس صرماية فشو بساوي؟-

عم تاكل صرامي ليل نهار كيف إلك نفس تلبسهن ما شبعت .. ما قرفت... يللا من هون.. قحّححححط